Кличко – Женнингс жанги хавф остида қолди

Профессионал бокснинг машҳур экспертларидан бири, америкалик Дэн Рафаэльнинг айтишига қараганда, супер оғир вазн тоифасининг WBA, WBO, IBF йўналишлари чемпиони, украиналик Владимир Кличко ва америкалик Брайант Женнингс ўртасидаги жангга шартнома тузиш вақтида муаммолар юзага келган.

Женнингс Гэри Шоунинг промоутерлик компанияси билан ҳамкорлик қилар эди. Маълум бўлишича, бир неча кун муқаддам, янги ташкил топган Roc Nation компанияси уни сотиб олган.

“Roc Nation Гэри Шоу компаниясини сотиб олиши, турли муаммоларни келтириб чиқарди. Улар K2 Promotions билан битим имзолаб бўлишган эди. Бироқ, олди-сотди бўлганидан кейин, янги эгалар тайёр нарсага ўзгартириш киритишни талаб қилишди. Владимирнинг менежери Бернд Бёнтенинг сўзларига кўра, режалар барбод бўлса, Кличко келаси жангиниАмерикада эмас, Европада ўтказади”, дейди Рафаэль.

SPORTS.uz