Мадонна Charlie Hebdo билан содир бўлган фожеадан ўз манфаати йўлида фойдаланганликда айбланди

Машҳур қўшиқчи Мадонна Charlie Hebdo билан содир бўлган фожеадан ўзининг янги альбомининг оммалашувида фойдаланганликда айбланмоқда, деб хабар берди kun.uz The New York Post газетасига асосланиб.

Маълум қилинишича, қўшиқчи ўзининг Instagram’даги саҳифасида “Je Suis Charlie” (“Мен – Шарли&rdquo ёзуви суратини чоп этди ҳамда бу суратга ўзининг янги альбомининг ҳэштегини қўшиб қўйди.

“Ҳозирда жуда қўрқинчли замонлар келмоқда. Жоҳиллик ўзаро тоқатсизликни ва қўрқувни келтириб чиқармоқда. Биз қоронғуликка қарши фақат ёруғлик билан кураша оламиз. Биз ҳаммамиз Шарлимиз! #revolutionoflove ❤️#rebelhearts,» – деб ёзди Мадонна.

У, шунингдек, Парижда террорчилик ҳужумларига қарши норозилик намойишини уюштираётганларнинг суратини чоп этди ҳамда барча динларни ҳурмат қилиш кераклигини, бироқ инсонлар ҳаётини ҳам ҳурмат қилишни унутмаслик кераклигини айтиб ўтди.