"МЮ" ўз майдонида мағлуб бўлди

Англия чемпионати 21-турининг сўнгги ва марказий учрашувларидан бирида "Манчестер Юнайтед" ўз майдонида "Соутгемптон" жамоасини қабул қилди, дея хабар беради sports.uz.

Кескин ва муросасиз кечган баҳснинг тақдирини ягона гол ҳал қилди. Биринчи тайм нурсиз якунланган бўлса, иккинчи бўлимнинг 69-дақиқасида меҳмонлар ҳужумчиси Душан Тадичжамоасининг ғалаба тўпига муаллифлик қилди.

Мазкур натижадан сўнг "Саутгемптон" очколари сонини 39тага етказиб, турнир жадвалининг учинчи ўринга кўтарилиб олди. "МЮ" эса 37 очко билан тўртинчи ўринни тушиб қолди.

"Манчестер Юнайтед" – "Саутгемптон" - 0 : 1 (0 : 0, 0 : 1)

Гол: Тадич 69.

"Манчестер Юнайтед": Де Хеа, Шоу (Блэккетт, 64), Жонс, Смоллинг, Блинд, Ди Мария (Феллайни, 72), Кэррик, Валенсия, Мата, Руни, ван Перси (Эррера, 61).

"Саутгемптон": Форстер, Бертран, Клайн, Алдервейрелд (Гардош, 21), Фонте, Ваньяма, Шнайдерлин, Уорд-Проуз, Дэвис (Рид, 80), Элиа (Тадич, 63), Пелле.

Огоҳлантиришлар: Бертран (35), ван Перси (58), Тадич (70), Пелле (75), Кэррик (76).