Тунисда «Мўъжиза аёл» фильми тақиқланди

kod

АҚШнинг «Мўъжиза аёл» суперқаҳрамонлик фильмини Тунис кинотеатрларида намойиш этиш тақиқланди. Бу ҳақда «Газета.ru» хабар бермоқда.

Фильм июнь ойида мамлакатда прокатга чиқиши лозим эди. Премьера фильмни тақиқлаш чақириқлари акс этган шикоятлар туфайли бир неча марта қолдирилди. Бунга асосий сабаб сифатида бош ролни исроиллик актриса Галь Гадот ижро этгани кўрсаталди. Ниҳоят, суд тақиқ қарорини маъқуллади.

1950 йиллардан буён Тунис Исроил билан чекланган дипломатик алоқаларни сақлаб келмоқда. Фильм билан боғлиқ ҳолат икки томонлама муносабатлар ҳақида янги баҳслар келтириб чиқарди.