ИСТАК
Дата релиза:
Просмотров: 156
Просмотров: 156
Средний балл: 0
Кунларим оҳиста судралиб ўтар;
Мунглуг кўнглим учун ҳар зум беомон,
Бевақт севги дардин ортириб кетар,
Тентак хаёлларим қўзгар ҳаяжон.
Аммо сукутдаман, чиқмас фиғоним;
Йиғлайман, кўз ёшим менга овунчоқ,
Қайғу панжасида қолган бу жоним
Шундан аччиқ нашъа топади ҳар чоқ.
Ҳаёт дақиқаси! Уча бер, майли,
Беҳуда хаёллар, йўқ бўл зулматда!
Азиздир ишқимнинг азобли йўли,
Майли ўлсам ўлай шу муҳаббатда.
- Теги:
Ваши отзывы
- Коментарии
