Юрагинга ишга ол мени

kod

Юрагинга ишга ол мени,

Ҳар кун унинг хизматин қилай.

Дард келса у билмасдан туриб,

Қарши чиқиб мен аввал билай.

Юрагинга ишга ол мени,

Киритмайин алам, ситамни.

Келса агар аёвсиз бўлиб,

Қувиб солай оғриқли ғамни.

Юрагинга ишга ол мени,

Буйруғинга кўз тикай маъюс.

Ишончингни оқлай маликам,

Сўнгра қилма, оҳ дея афсус.

Юрагинга ишга ол мени,

Қувиб солгин бевафоларни.

На қиласан ўкситиб ўзинг,

Дардинга шу бедаволарни.

Юрагинга ишга ол мени,

Қайғурмагин, маош шўридан.

Ҳеч керакмас хизматим ҳаққи,

Фақат жой бер юрак тўридан.

Юрагинга ишга ол мени,

Хижолатдан бўлмагин маъсум.

Маошимга ойда бир бора,

Ҳадя эт бир ТАБАССУМ...