Мен сизни безовта қилмайман энди.

kod

Тинди сизни дея оққан дарёлар,

Сизга Қуёш меҳр нурлари тинди.

Оҳ, канчалар бисёр эдилар улар!

Мен сизни безовта қилмайман энди.

Ишқимни қулфладим кўнгил қаърига.

Дардларнинг зарбидан калитлар синди.

Асло парво қилманг ошиқ зорига.

Мен сизни безовта қилмайман энди.

Бузиб кетаяпман ишқим уйини.

Осмондан тушишга қадр ҳам кўнди.

Чалинг айрилиқлар суйган куйини.

Мен сизни безовта қилмайман энди.

Босган изларимда янчилмоқда бахт.

Ваъдалар хиёнат ўтида ёнди.

Туйғулар ёмон туш кургандай карахт.

Ишонинг, безовта қилмайман энди.

Гулқайчи узади бағримдан сизни.

Гул урнида чақир тиканак унди.

Кўринг тилкаланган қон севгимизни,

Мен сизни безовта қилмайман энди.