СЕВГИНИ ХОР ҚИЛГАННИ

kod

Бирига ваъда бериб, 

Бошқани ёр қилганни,

Ишқнинг уволи тутсин,

Севгини хор қилганни.

Муҳаббат мангу осмон, 

Унга сиғмайди ёлғон,

Ўлдирар ҳаққи виждон, 

Севгини хор қилганни.

Қуён кўз, қуён юрак, 

Шерга тақлид не керак,

Бир жони саккиз бўлак, 

Севгини хор қилганни.

На яшайди на ўлар, 

Кузак келмай тўкилар,

Дил куйлаги сўкилар, 

Севгини хор қилганни.

Эркак бўлсин, хоҳ аёл, 

Лафзин асрасин ҳалол,

Умрини айлар завол,

Севгини хор қилганни.

Ошиқ Аҳад талпинур, 

Гарчи тақдир ҳал қилур,

Билинг, шайтон аҳлидур,

Севгини хор қилганни.

Бирига ваъда бериб, 

Бошқани ёр қилганни,

Ишқнинг уволи тутсин 

Севгини хор қилганни.