Сизнингча зарлардан ясалар дунё

kod

Сизнингча баридан қутулиш мумкин,
Осмон уввос солиб йиғласин майли.
Ҳар қанча гуноҳни кечириш мумкин,
Менингча арзимас бир аҳд туфайли.

Собит фикрингизни мағлуб этмайсиз,
Сизнингча зарлардан ясалар дунё,
Тан ола олмайсиз, ёхуд билмайсиз.
Аслида зорлардан ясалар дунё.

Ҳақ гапни айтасиз, баъзи-баъзида,
Сизга арзимайман, ёки аксинча...
Йиғлаб овутасиз ёлғонингизни 
Тилим айланмайди, далли таскинга.

Йиғламанг йиғидан нима наф экан,
Кулинг кулгингиздан титрасин дунё...
Сизнингча баридан қутулиш мумкин,
Сизнингча зарлардан ясалар дунё,