Қизим хотирасига

kod

Фонийларга эрта кетган болажоним,

Бўлмасмиди олса худо менинг жоним.

Энди йўқсан нима кечар бу аҳволим,

Тупроқларга бағрин бериб ётган қизим

Қўзмунчоқдек кўзларингни қайдан топай,

Бидир-бидир сўзларингни қайдан топай.

Сал сурилгин ёнгинингда мен ҳам ётай,

Тупроқларга бағрин бериб ётган қизим.

Кечир болам, охирги бор кўролмадим.

Сўнгги дамда ёнгингда бўлолмадим.

Қабринга хам қўлим билан қўёлмадим,

Тупроқларга бағрин бериб ётган қизим.

Совуқ хабар жон-жонимдан ўтиб кетди,

Фарёдларим мунги бугун аршга етди.

Қувонч кетиб, қайғу келиб абгор этди,

Тупроқларга бағрин бериб ётган қизим.

Дард чекибсан, айтмагинди онанг менга,

Қўғирчоқлар олиб қўйгандимку сенга,

Умринг қисқа экан болам, бунча нега?

Тупроқларга бағрин бериб ётган қизим. 

Энди энди қадам ташлаб юргандинг-ку,

Телефонда "дадажон” деб тургандингку,

Туғилганда бахтли ота қилгандингку,

Тупроқларга бағрин бериб ётган қизим.

Жаннатларга шошган гўзал қизалоғим,

Қори билан қолиб кетди баланд тоғим,

Кўз ёш билан суғоряпман бугун боғим,

Тупроқларга бағрин бериб ётган қизим!