Хотинимнинг "лексияси" тугамайди! шоир Бахтиёр Турсунов

kod

Тугайди кинолар сериал бўлса ҳам, 
Ўқишлар тугайди сигнал бўлган дам, 
Билимимга қўшиб яна билимларни, 
Хотинимнинг «лексия»си тугамайди. 

Ҳар хотиндек унинг ҳам оддий одати, 
Қўлида йўқ на китоби, на дафтари, 
Йўлда қолар доктори-ю, кандидати, 
Хотинимнинг «лексия»си тугамайди. 

Бир бошласа тарихлардан сўзлаб ўтар, 
Не кўрдим деб ачиқ ачиқ бўзлаб айтар, 
Ошхонага айтиб борар, айтиб қайтар, 
Хотинимнинг «лексия»си тугамайди. 

Кун ўтади, соат ўтар, ўтади ой, 
Жаврайверса тескарига оқади сой, 
Ночор эдим, айлантирди, энди мен бой, 
Хотинимнинг «лексия»си тугамайди. 

Мен мослашдим, эшитмайди қулоқларим, 
Шовқинларда ором олар қароқларим, 
Рахмим келар, тиришяпти яноқлари, 
Хотинимнинг «лексия»си тугамайди. 

Тугамайди ишга кетиб, қайтиб келсам, 
Тугамайди гулдасталар тақдим этсам, 
Қирққа кирдик, анча-мунчайин камайди, 
Хотинимнинг «лексия»си тугамайди. 

Эрни эр қилган ҳам манашу хотинлар, 
Эри йўқ хотинлар бўлар отинлар, 
Шуларни борлиги чексиз олтинлар, 
Хотинимнинг «лексия»си тугамайди. 

Хозир эрни эр қилиш ҳам осонмас, 
Бехос эрни ер қилиши ҳеч гапмас, 
Бир бошласа қўшниданам таптортмас, 
Хотинимнинг «лексия»си тугамайди. 

Рўзғор ғор тубига етиб бўлмайди, 
Улар жаврамаса рўзғор тўлмайди, 
Қизлигида куларди, энди кулмайди, 
Хотинимнинг «лексия»си тугамайди.