Латифалар
Дата релиза:
Просмотров: 194
Просмотров: 194
Средний балл: 0
— Ошхонада икки бўлак торт бор эди. Ҳозир унинг бир бўлаги қолибди. Буни менга тушунтира оласанми?
— Албатта! Қоронғи эди, шунинг учун иккинчи бўлакни кўрмабман!
***
— Айтинг-чи, яхши қиз, илгари сизга ҳеч ким Мадоннага ўхшар экансиз, деб айтмаганми?!
— Йўқ, ҳеч қачон!
— Тўғри! Ўхшамас экансиз!
***
Бир ходим ишга келмабди. Шу вақтгача у ҳеч қачон кеч қолмаган экан. Иш бошлангандан уч соат ўтгач, бояги ходимнинг хотини қўнғироқ қилиб, эри вафот этганини билдирибди.
— Худога шукур-ей, — дебди бошлиқ. — Ҳар хил хаёлларга бораётувдим...
***
Фабрика директоридан сўрашибди:
— Маҳсулотларингизнинг нархи қанақа?
— Келишилган нарх.
— Буни қандай тушуниш керак?
— Биз жамоамиз билан келишиб, маҳсулотларимизни арзон сотмасликка қарор қилганмиз.
***
— Тартиб-интизом ва тозалик — ходимларимизнинг энг асосий шиори бўлиши керак, — дебди иш сўраб келган йигитга корхона бошлиғи. — Масалан, сиз бу ерга киришдан аввал оёғингизни артдингизми?
— Ҳа, албатта!
— Иккинчидан, биз учун тозаликдан ҳам муҳим жиҳат — ростгўйлик. Корхонамизнинг эшиги олдида пол латта йўқ-ку?!
***
Бир одам доктор ҳузурига келибди:
— Доктор, эшакдек ишлайман, чўчқадек овқатланаман, итдай чарчайман, нима қилишим керак?
— Менга эмас, дардингизни ветеринарга айтинг!
***
Пештоқида «КЎНГИЛ СИРИНГИЗНИ ГУЛ ЁРДАМИДА ИЗҲОР ЭТИНГ!» шиори осилган гуллар дўконига бир йигит кирибди.
— Менга бир дона атиргул беринг, — дебди у сотувчига.
— Атиги биттами?
— Ҳа... Мен жуда камгапман!
***
— Хотиним билан роса йигирма йил бахтли ҳаёт кечирдик...
— Кейин-чи?
— Кейин биз танишдик..
- Теги:
Ваши отзывы
- Коментарии
