Chiroyini bozorga solganlar

kod

Ba’zan ko‘rib qolasan hayron

Shayton yo‘lin haq deb bilganlar

Boqib turar ko‘zlari har yon

Chiroyini bozorga solganlar

Bo‘yin egmas aslo mehnatga

Ko’ngli moyil ayshu ishratga

Ko‘zlar ko‘rib tushar hayratga

Chiroyini bozorga solganlar

Havas qiling qadoq qo‘llarga

Bolam deya yongan dillarga

Kuniz qolar ayting kimlarga

Chiroyini bozorga solganlar

Yillar o‘tib vaqt o‘tib bir kun

O‘tmishingiz qiynamasmikin

Shunda qanday topasiz taskin

Chiroyini bozorga solganlar

Mol dunyomi yohud hayoli

Keldimi yo go‘dak maloli

Tutmasmikan farzand uvoli

Chiroyini bozorga solganlar

Baxt bermaydi ko‘shkli shu saroy

Aldanibsiz tillo -yu zarga

Ketganida bir kun shu chiroy

Qulamangiz tubsiz bir jarga

Shayton yo‘lin haq deb bilgan

Yolg‘onlarin rost deb bilganlar

Aldanmangiz o‘tkinchi hisga

Chiroyini bozor qilganlar...

Yiroqsiz diyonatdan

Uyalmas xiyonatdan

Qo’rqmaysiz qiyomatdan

Chiroyini bozorga solganlar

Qaddi egik bugun Otangiz

Aybin bilmay yig‘lar Onagiz

Kimdan ibrat olar bolangiz

Chiroyini bozorga solganlar